Mynjur ka Sorkar ïa ka Ayush Medical Service Rule bad ban pynkha kam Director Civil Defence

Shillong , Jymmang 01 : U Nongai ktien ka sorkar jylla ba dei ruh u Myntri sorkar ka jylla, Bah Paul Lyngdoh ha ka sngi Nyngkong u la pyntip ba ka jingïalang jong ka kynhun Myntri ha ka sngi Palei ka la mynjur ïa ka Meghalaya Ayush Medical Service Rules, 2025 da kaba buh hakhmat ba kine ki dei ki jingsumar tynrai kynthup naduh ka Ayurveda, Homeopathy, Yoga, Naturoathy k rukom sumar kiba khring bha mynta ïa ki paidbah.
Ha kajuh ka por u la pyntip ruh ba ka kynhun myntri ka la mynjur ïa ka jingtyrwa ban pynkha ïa ka kam Director ka Civil Defence ha ka Directorate of Civil Defence and Home Guard.
Haba kren bad ki lad pathai khubor, u Myntri u la ong ba ka jingïalang jong ka kynhun myntri ha kane ka sngi ka la mynjur ban pynkylla noh ïa ka service rule khnang ban lah ban pynkha ne thaw ïa ka kam Director jongka Civil Defence khnang ba yn lah ban pynjanai ïa ka jingtreikam jong ka tnad.