Jowai, Risaw 02: Kum shibynta ban rakhe ïa ka sngi Gandhi Jayanti, na ka liang ki bor District jong ka West Jaiñtia Hills ha ryngkat ka jingtrei lang bad ka Jowai Municipal Board, ka Dorbar Shnong Tympang Iawmusiang, ka Jowai Traders Association, ka Market Committee ka CNI Market, ka Jowai Presbyterian Yaaw Chyiap bad ka Iewmusiang bad kiwei ki bynta ba pynlong ïa ka jingpynkhuid ïew ne ka Swacchata Hi Seva.
Ha kane ka sngi la wan ïa shim bynta naduh ki nongshong shnong jong ka Iewmusiang, Moosalyngkat kiba shongdie, kiba shong die ha ka ïew ka CNI, Seiñraij Jowai, ka Balang Jowai Presbyterian bad kiwei de kiba don marjan ka Iawmusiang.
Hashwa ban sdang ka jingpynkhuid ïew ha ka por mynstep la don ka jingïalang ba lyngkong ba la pynïaid da ka Additional Deputy Commissioner ka kong Dahunlang V Lyngdoh, MCS.
Na ka liang ka Jowai Traders Association (JTA) ka la pynkup burom ïa ki nongtrei sorkar khynthup ïa u SDO ka MeECL, u E. Pohshna, U Traffic In-charge ka Jowai, u Rocky M. Umlong, u Executive Officer ka Jowai Municipal, u ma S. Amse halor ka jingtrei shitom jong ki na ka bynta ka bha ka miat ha ka imlang sahlang.
La sam ruh ïa ki Cerfiticate sha kiba shim bynta ha kane ka taïew ba pynlong ïaka Swachhathi Hi Seva kaba la sdang naduh ka 15 tarik jong u Nailur bad la pynkut mynta ka sngi kaba pynlong da ka Jowai Municipal Board.
Kiba bun na ki dong bapher bapher hapoh ka sor Jowai kila shim bynta lang ha kane ka sngi ban pynkhuid ïa ki dong ki shnat jong ki.
