Mang kyllum 90 persen ïa ki Khasi Jaiñtia bad Garo lane 50 la 40 persen, pynpaw ka KSU ha ka Expert Committee
Shillong, Risaw 03 : Ka Khasi Students Union (KSU) ka la ban biang ba ka state reservation policy kaba thymmai kadei ban long 50 persen ïa ki Khasi – Jaintia bad 40 persen pat ïa ki Garo katba 5 persen kadei ban long ïa kiwei ki Scheduled Tribe bad 5 persen pat ïa kiwei ha ka thup Unreserved.
Ia kane, ka seng ka la phah bad pynsngew ha ka kynhun jong ka Expert Committee jong ka State Reservation Policy ha ka jingsngap paidbah (public hearing) ba lai sngi kaba sdang hynne ka sngi ha Nongbah Shillong.
Haba kren bad ki lad pathai khubor hadien ka jingkynduh ïa ka Expert Committee, u General Secretary ka KSU Bah Donald V Thabah u la ong ba ha ka jingïakren bad ka Expert Committee ngi la ai jingmut ba ïa ka bhah thung lada dei ba ïaid katkum ka jingbun paid, ki don ban ai jingmut ba la dei ban mang 50 persen ïa ki Khasi -Jaintia bad 40 persen ïa ki Garo, katba mar 5 persen na bynta kiwei ki ST bad 5 persen pat kaba long ïa baroh (Unreserved).
“Kawei pat ka lad ka long ab lada kane ka jingtyrwa kam long, kumta ïa ka bhah thungkam dei ban long 90 persen ïa ki Khasi, Jaintia bad Garo bad 5 persen na bynta kiwei ki riewlum bad 5 persen ïa ki unreserved. Kine ki dei ki ar tylli ki jingai jingmut ba ngi la buh hakhmat ka Panel,” u la bynrap biang.
Utei u nongïalam ka KSU u la ong ruh ba Union ka la ai jingmut ruh ba lada kane ka bhah thungkam thungjam kaba thymmai kan treikam kadei ban long beit nangne shakhmat bad kam dei satia ban phai dien. U la ong ruh ba kadei ban long beit da kaba thymmai bad kaba sdang thymmai lut.
Shuh shuh utei u nongïalam KSU u ong ruh ba ka Union ka tyrwa ba dei ban don ka bhah ba 100 persen ïa ki nonghikai ha ki lower primary bad primary school.
U ong ruh ba halor ka pule puthi, na ka liang ka seng ki sngew ba ka long kaba donkam ba ka jinghikai ba ki nonghikai ki ai sha ki lower primary bad primary ka donkam ban ïa kren bad ki ha ka ktien lajong.
“Kumta ngi ai jingmut ba kum ha rilum Garo Hills dei ban mang 100 persen ki nonghikai na ki paid Garo hi bad kumjuh ha ki bynta phang mihngi jong ka Jylla, 100 persen ka bhah kam kadei ban long ïa ki Khasi-Jaintia namar ngi sngewthuh ba ki Garo kin ym lah ban hikai ïa ki khynnah Khasi ha rilum Khasi lane ki Khasi kin leit sha rilum Garo ban leit hikai ïa ki khynnah rit ha rilum Garo. Kumta ban ïoh ïa ka jingshakri kaba paka ha ka pule puthi, ngi ai jingmut ba dei ban mang 100 persen ïa ki nonghikai ha ki lower primary bad primary kynthup ïa ki skul SSA ruh,” u la ong.
LINK SITUS SLOT GACOR HARI INI 2024 Slot Gacor