Mawkyrwat, ‘Nailur 06: Ka Khasi Students’ Union (KSU) jong ki saw Unit ba hap hapoh Umdohlun Circle kaba kynthup ïa ka KSU Phlangmawprah Area Unit, Phlangdiloin Area Unit, Nongmluh Area Unit bad Phudumiap Area Unit lyngba ka Environment Cell bad ha ka jingïatreilang bad ki Synjuk Dorbar shnong Phlangdiloin Area Pyndensynia, Rangkhiat Rngimawpat bad Phlangmawprah Area Mawthungmlang, Mawmynsor, Nongmluh, Mawphansaw & Thnangbyriang ki la maham tyngeh ïa ki briew kiba pynjot ïa ki dohum dohwah.
Namarkata, ka KSU ryngkat bad ki Dorbar Shnong ka maham tyngeh ïa kino kino ki briew ba juh leit siat bom, ai dawai ba long bih, pynhap jar, tong musari lane tongsong ïa ki dohkha ha baroh shilynter jong ka wah Riat-tham bad baroh ki shnat wah ba marjan ba don ha wah riat tham, naduh riat bek haduh tynrong kshaid jhaw.
Ym tang kata, ka seng ka la shim ruh ïa ka rai ba lada lap ïa kiba ïaleh pyrshah ïa kine ki jingmaham kin hap ha ka jingpynshitom katkum ba shong ka aiñ. Ka kyrwoh lyngba u Spaidarwell Thongni, Assistant Environmental & Cultural Secretary jong ka Khasi Students’ Union (KSU), South West Khasi Hills District Unit.
