Lineage Act: “Hooid” ka pynskhem bad ka pynkhlaiñ ïa ka dustur ban shimjait na ka kmie: Kong Deity

Shillong, Jylliew 17: Ka Executive Member jong ka Hills Autonomous District Council (KHADC) ba khmih ïa ka Legal Affairs Kong Deity H Majaw, ha ka sngi Balang kaba dei ka sngi sdang jong ka Dorbar Lyiur kala pynpaw ba lada ki khun kiba dei kmie ïa kaba ym dei Khasi hynrei lada lah dep tang jait ki khun kin dei hi ki Khasi.
Ïa kane la pyntip da ka ka Executive Member ba khmih ia ka Legal Affairs Kong Deity H Majaw haba jubab ia ka jingkylli bala wanrah da ka MDC ka NPP Kong Grace Mary Kharpuri bad Nongialam ka Liang Pyrshah Bah Titosstarwell Chyne.
Ka kong Grace kala kylli halor ki sienjam bala shim pyrshah ïa kito ki bym shim jait na ka Kmie hapoh ka Khasi Hills Autonomous District Council (Lineage) Act, 1997 kumba la pynkylla, katba u Bah Titos ula pan jingshai la kane ka Act ka pynkhlain ia ka dustur ban shim ia ka Jait Kmie.
Ka Kong Deiti kala ong ba ka Act, pule lang bad ka Khasi Hills Autonomous District (Khasi Social Custom of Lineage) Act, 2007, kala kren shai ba ka kyndon 10 ka pynshitom ïa kiba pynkhein.
“Kito kiba pynkhein ïa ka Act kin shah pynduh noh ïa ka jingithuh kum ki Khasi. Kito kiba kyntait ïalade ba ki dei ki Khasi kin shah weng noh na ka jingithuh kum ki Khasi” kala pyntip hapoh ka Iingdorbar.
Ka EM kala bynrap ba lada ki Kmie Kpa ki dei ki Khasi, ki Khun ruh ki dei ban long ki Khasi bad pynshem “Hooid” halor ka jingkylli la ka Act ka pynkhlain ïa ka dustur ban shim ia ka Jait Kmie.
Shuh shuh haba ki dkhot ka liang pyrshah kila kylli ba yn leh kumno ïa ki Khasi kiba khlem shim jait na ka kmie, ne kiba pynkhein ïa ka riti dustur kan wanrah ka jingklumar namar kumno yn khein mei kha ne mei ieit, na ka liang ka EM kala ong ba kane ka kam ka dang don hapoh ka ïing bishar jong ka Meghalaya High Court bad ai ba kan shim ïa ka rai halor kane ka bynta.