Leit shim bynta ka PAC Meghalaya ha ka National Conference ki Chairpersons jong ki PAC ha Keralam

Shillong, Naiwieng 07: Ka Public Accounts Committee (PAC) jong ka Meghalaya Legislative Assembly ka la leit ban ïa shim bynta ha ka jingïalang kaba ar sngi jong ki Chairpersons jong ki Public Accounts Committees na ka Parliament, ki State bad ki Union Territories’ Legislatures, kaba la long ha ka 03 bad0 4 tarik Naiwieng ha Keralam Legislative Assembly, Thiruvananthapuram.
Ïa ka Meghalaya Assembly’s PAC la mihkhmat da ka Chairperson, ka Miani D. Shira, ryngkat bad ki dkhot ba kynthup ïa u Dr. Celestine Lyngdoh bad Rupa M. Marak.
Ha kane ka jingïalang, ki Chairperson bad ki dkhot jong ki Public Accounts Committees na ka Parliament bad ki State bad Union Territory Legislatures ki la mynjur ïa ka Resolution ban pynkhlaiñ ïa ka jingkitkhlieh ha kaba ïadei bad ka Audit bad ka rukom treikam kaba janai.
Ïa kane ka Resolution la mynjur ha ka sngi Balang ha Thiruvananthapuram, Kerala, hadien ka jingïatai kaba bniah ha ka Plenary Session halor ka Audit, ka jingkitkhlieh bad ka Good Governance, ryngkat bad ka rukom treikam kaba ïai kylla jong ki Public Accounts Committees.