Leit jurip u MLA Umsning bad ki nongïalam niam ïa ka jaka ban pynlong jingïaseng Synod ha Nongthymmai

Nongpoh, Ïaiong 12: Kum ka jingpynkhreh ïa ka Jingïaseng Synod ha u snem 2024 ban sa wan hapoh ka Balang Presbyterian Nongthymmai ba hap ha ka Ri Bhoi Synod, ki nongïalam ka Balang Prebyterian Nongthymmai ryngkat ki pastor lem bad u MLA ka Umsning mynta ka sngi ki la leit ban jurip ïa ka madan na ka bynta ban shna ïa ka rynsan Jingïaseng Synod bad kumjuh ruh kiwei kiwei ki jingdonkam ba hap ban pynbiang na ka bynta ka jingïaid beit ïaid ryntih jong katei ka jingïaseng Synod.
Haba leit ban ban jurip ïa katei ka jaka ban pynlong ïa ka Jingïaseng Synod ka Ri Bhoi la don rygnkat u MLA ka Umsning, u Dr. Celestine Lyngdoh, ryngkat ki nongïalam Balang bad ruh ki Pastor ha kaba ki la lah ban bishar bniah ïa ka jaka ban pynbit pynbit na ka bynta katei ka jingïaseng Synod.
Kane ka jingthmu ba la leit ban jurip ryngkat u MLA ka Umsning ïa katei ka jaka pynlong jingïaseng Synod ka long ruh shi bynta ba un kren sha ka sorkar halor ki lad jingïarap ban pynbit pynbiang na ka bynta ki jingdonkam ha katei ka jingïaseng Synod kiba kyntup naduh ka Madan pynlong jingïaseng Synod, ka umbam ka umdih, ki lynti ki synkien bad kiwei kiweiki jingdonkam ha katie ka jingïaseng Synod.
Nalor ka jingdon u MLA ka Umsning, u Dr. Celestine Lyngdoh kum u nongmihkhmat paidbah, ha kane ka sngi ba la leit jurip la donr yngkat ruh ka Balang lyngba ka Reception Committee, ki Pastor, ki Tymmen Basan, ki rangbah Balang, ki nongïalam shnong ki ophisar na ka tnat PWD bad kiwei kiwei ha kaba ki la mynjur ban thaw ïa ki lad ki lynti na ka bynta ban pynrung lyngba ki skhim sorkar na ka bynta ka jingbit jingbiang jong katei ka jingïaseng Synod ka ban long ha u snem 2024 ha ka Balang Presbyterian Nongthymmai.