Shillong, Lber 24: Ka khubor ba la ïoh na ki pulit la ïathuh ba u u Additional Deputy Commissioner, East Khasi Hills u la phah ka jingujor ba u la lap ïa ka fake Permanent Residential Certificate ne ka syrnot thok ha ka por ba pynshisha ïa ki syrnot jong uwei u briew uba kyrteng u Aman Singh, uba la shah jied na ka kam CRPF ha ka kam CT/GD lyngba ka SCC exam, 2024.
Ha kawei pat ka jingjia ki pulit ki la ïathuh ba u Bah Habanjop Ramsiej u la phah ka jingujor ba ha ka 19 tarik u bnai Kyllalyngkot, 2025, ki runar bym lah ban ithuh ki la tuh ïa ka thuk thuk jong u kaba don u nombar AS-01EA-9347 napoh ka ïing jong u kaba ha Lower Mawprem, Shillong.
Shuh shuh ha kawei pat ka jingjia u Satyam Yadav u la phah ka jingujor ba ha ka 20 tarik mynta u bnai, ki runar bym lah ban ithuh ki la pynjulor ïa ka Junction box, ka emergency call button kaba la long trai da ka Nice InfoTech ha Lady Hyderi Park, Shillong bad ki la tuh haduh 6 tylli ki battery ba shongdor T. 46,468/-.
Ha kawei pat ka jingjia ki pulit ki la ïathuh ba u Vijay Baruah u la phah ka jingujor ba ha ka 19 tarik mynta u bnai, ki runar bym lah ban ithuh ki la pyrshang ban tuh ïa ki tiar napoh ka ïing jong u kaba ha Laban, Shillong.
