Nongpoh, Risaw 19 : Ki pulit jong ka Khanapara Police Station hynnin janmiet kila ioh ban tam ïa kawei ka metiap kaba la pyut bad sma iwtung kaba la per ha kawei ka nala hadien FCI Godown Khanapara.
Katkum ka jingtip bala ioh lum la ïathuh ba katei ka metiap ka dei jong u rangbah briew haka rta kaba 50 snem eiei kaba haduh mynta ki pulit kim pat lah ban ithuh namar ka jingpyut ka met kala long kaba palat kaba la mih ruh ka jingsma iwtung kaba shyrkhei.
Naka liang ki pulit kila rah noh ïa katei ka metiap ban pyndep ïaka post mortem bad ka jingtohkit halor katei ka jingjia ka dang ïaid shakhmat.
