Jowai, Naitung 07: Ki nongïalam ka Khasi Students’ Union (KSU) Namdong Area ha ka jingïadon lang u President Samla Kitbok Lang Lamare, samla Rimiki War bad kiwei ki la leit ban hiar biang hynnin ka miet ban jurip ïaka Community Health Center (CHC) Namdong ha ka por ba lip ka light hapoh katei ka thaiñ bad la lap ba haduh mynta kane ka CHC ka hap ban shong hapdeng jong ka jingdum.
U President ka Unit Samla Kitbok Lang Lamare ula ong ba kane ka CHC kala long kum ka sem ki mrad, namar ba ka jing pynkha khun ruh lah isynnei hap ban shu tbeh da ki mombati bad ki touch light, haba kumne kan jia aiu ïaka jingim briew, hato ban sumar briew ka long mo ha pdeng ka jingdum la buh jylli kylli ka seng.
U ong ba ka tnad ka koit ka khiah ka la kheiñ dew thala ïa kane ka CHC khlem da shim khia ïaki jingpynsngew ka Seng ha kaba ïadei ban pynbha ïaki Panel Solar, lane ban buh daka Generator Machine kumba la ai jingmut da ka Seng ha kine ki khyndiat taïew kiba lah dep.
Halor kane ka seng kam lah ban shu peit da ki khmat ïa kane ka jingeh kiba kane ka CHC ka hap mad, da kaba kren shai lada ka tnad ba dei peit kam lah ban shim khia na ka liang ka seng ka hap ban pyrkhat da kumwei pat ban leh ïa kaba donkam.
