Lap ka KSU ba dkoh treikam ka Veterinary, jan kylla sem masi ka HP Liquid Gas Centre

Jowai, Nailar, 13: Ka Khasi Student Union (KSU) Barato Unit hapoh ka jingïalam u President samla Ehbok Sten ha ryngkat ka jingsynran lang u General Secretary ka KSU WJHDU samla Leningrad Tariang ryngkat bad ki dkhot jong ka Barato Unit hadien ka jingud ki pait nongshong shnong jong kane ka thaiñ ki la leit ban jurip ïa ka Veterinary Dispensary kaba don ha katei ka shnong.
Ha kane ka jingleit jurip ka seng ka la lap ba ki nongtrei ki khlem wan tista bad la lap ruh haka ne ka sngi ba katei ka jaka treikam ka la khang khyrdep khlem don nongtrei wat tang i wei ruh bad ki Quarter sah ruh la jot rathai namar ym don nong peit.
Ki paidbah nongshong shnong kila ïathuh ruh wat ïa ki dawai dashin ruh kim biang ha katei ka Dispensary bad ha kajuh ka sngi ka seng ka la leit ban jurip ruh ïaka Hindustan Petroleum Liquid Gas Centre kaba don ha shnong Barato la lap ba katei ka jaka treikam kala kylla jaka set masi bad la shu ïeh lyngkrang khlem da pyntrei kam shuh lah bun bun snem.
Kane ka jingdkot treikam jong katei ka jaka ai dawai kala wanrah jingeh shibun ïa ki paidbah ba ki hap leit shim Gas na kiwei pat ki shnong namar katei ka jaka ka khlem trei kam shuh. Ka seng ka maham jur ïa kine ki shnat treikam ba ki dei ban trei kat kum ka rukom trei kam jong ki, khnang ba kan wan rah jingmyntoi ïa ki pait nong shong shnong jong ka tei ka thaiñ hi baroh kawei.