Shillong, Naiwieng 12 : Ka Arunachal Pradesh ka la lah ban khur ka nam jop kaba khraw tam ha ka sngi sdang jong ka jingïalehkai Taekwondo kaba la pynlong ha Assam Rifles Indoor Stadium ha Laitkor, da kaba khur haduh lai tylli ki takma Ksiar.
Kiba la khur takma Ksiar na bynta ka Arunachal ki long u Adit Tulang (junior boys individual poomsae), Khinsan Wangsu (junior girls individual poomsae) bad ka Radha Bangsia (senior girls individual poomsae). U Daniel Lalhumthanga jong ka Mizoram u la khur takma Ksiar ah ka liang ki senior boys individual poomsae.
Ïa ka takma Rupa la khur da u Nishant Singh Hazari (junior boys) jong ka Assam, Ontey Khamblai (senior boys) ka Arunchal Pradesh, ka Pansy Rampanzeli (junior girls) jong ka Mizoram bad Chultem Palmu Bhutia jong ka Sikkim.
Ïa baroh ar tylli ki takma Rnong la sam sha kiba wan ha ka kyrdan ba lai bad ba saw.
