Khliehriat, Nohprah 15: Ka khynhun ïalehkai jong ka R.Shkenshynriah SC kala long syndon ka lahduh haka lympung ïalehkai jong ka kyrdan Super Division Football Tournament 2023, ïa kaba la tip kum ka 3rd Kyrmen Shylla Contribution Trophy bala pynïaid daka East Jaiñtia Hills District Football Association (EJHDFA) ha madan Diengshynrum Khliehriat.
Haba phai sha ka jingïakhun phainal hynne ka sngi ka kynhun ïalehkai jong ka R.Shkenshynriah SC kala lah ban pynliem ïaka Sutnga SSCC da 1-0 kol, ïa katei ka shikol la thep da u Obadaia Bareh haka minit kaba 73, lyngba kane ka shikol kol ka kynhun R.Shkenshynriah SC kala long long syndon ka lahduh ha kane ka lympung mynta u snem.
Da kane ka nam jop jong ka R. Shkenshynriah SC kala ïoh lad ban leit mihkhmat ïa ka District sha ka Meghalaya State League ha kane ka Aiom ban wan.
Ïa ki khusnam sha ki nongjop la sam da u kongsan jong kane ka sngi u ma Kyrmen Shylla (MLA), ha ryngkat ka jingdonlang u bah Hamlet Dohling President MFA, ki dkhot jong ka MFA bad ki dkhots jong ka EJHDFA.
La sam ruh ïaka nam Best Discipline Team kala leit sha ka kynhun Dhana SC, Best Goal Keeper la ïoh da u Shaiñ Muksor naka Thangskai Tiger SC, Player of the Tournament la ïoh na u Ioanis Suchen naka Sutnga SSCC, ïa ka nam Player of the Match la khur da u Obadaia Bareh rangïalehkai jong ka R. Shkenshynriah SC.
