Ampati, Risaw 28 : Ka lympung ïalehkai jong ka Ampati Super League (ASL) football Tournament ka la kut noh ha ka 24tarik noh mynta u bnai da ka jingïakhun ïa ka final hapdeng ka Okrong Oktong FC bad ka Saliram Boys. Ïa kane ka lympung ïalehkai la pynlong da ka Ampati District Football Association ha ryngkat ka jingïatreilang bad ka District Sports Office naduh ka 18tarik mynta u bnai.
Ki la don baroh 8 tylli ki kynhun kiba wan ban shim bynta na kylleng ki bynta jong ka distrik. Ha ka jingïakhun ka Okrong Oktong FC ka la lah ban pynliem noh ïa ka Saliram Boys da ki 3-1 kol ha ka final ban khur ïa ka nam lahduh.Ïa kane ka tamasa ïalehkai la wan ban pynhap pyrda da u MLA ka Mahendraganj u Sanjay A Sangma uba la sam ruh ïa ki khusnam sha ka kynhun kaba ïoh ban rah ïa ka nam lahduh bad ka kynhun kaba wan ba ar.
