Mawkyrwat, ‘Nailur 21: Ka Mawranglang Lai Kyntoit Sports Club jong ki kynthei bad ka Sarin Sports & Cultural Club jong ki shynrang ki la long ki ar kynhun kiba la rah ïa ka nam jop ha ka lympung ïalehkai volleyball kaba la tip kum ka District Level Volleyball Tournament (DLVT) 2023 ba la pynïaid da ka Volleyball Association South West Khasi Hills District ryngkat ka ka ophis jong u District Sports Officer, South West Khasi Hills District ha madan hajan ka Artificial Turf, MDSA, Nonglang, South West Khasi Hills District.
Haba phai ha ka jingïalehkai kaba dei jong ki kynthei ka long hapdeng ka Mawranglang Lai Kyntoit Sports Club bad ka Nonglang Sports Club ha kaba ka Mawranglang Lai Kyntoit Sports Club ka la jop da 3 – 0 set kata ha ka jingïakhun ba nyngkong, ba ar bad ba lai ka la ïoh 25 set katba ka Nonglang Sports Club ha ka jingïakhun ba nyngkong ka ïoh 9, ba ar ka ïoh 15 bad b alai ruh 15 set. Kumta ka Mawranglang Lai Kyntoit Sports Club ka la long ka nongjop bad rah ïa ka song pisa kaba T. 5000/- tyngka ryngkat ka khusnam.
Katba ki shynrang pat ka Sarin Sports & Cultural Club ka la jop ïa ka 3 – 0 set ïa ka Mawkhyrwang Sports Club ha kaba ka Sarin Sports & Cultural Club ha ka jingïakhun ba nyngkong ka ïoh 25, ba ar ka ïoh 25 bad ba lai pat ka ïoh haduh 28 set. Nangta, ka Mawkhyrwang Sports Club pat ha ka jingïakhun ba nyngkong 21, ba ar 19 bad ba lai 26 set bad kum ka Sarin Sports & Cultural Club ka la long ka nongjop bad rah ruh ïa ka khusnam ryngkat ka song pisa kaba T. 10,000/- hajar tyngka.
U bah L.T. Tariang, MCS, Additional Deputy Commissioner, South West Khasi Hills District kum u kongsan ryngkat ka jingïadonlang u bah D. Syngkon, District Sports Officer, South West Khasi Hills District, u bah Gilbert G. Laloo, Joint Secretary ka Meghalaya State Volleyball Association, u bah B. Kharsyntiew, Treasure jong ka Meghalaya State Volleyball Association lem bad ki nongkitkam jong ka Volleyball Association South West Khasi Hills District.
