Lahduh ka Lawsohtun bad Nothing But Nets ïa ka Open To All Baksetball jong ka NPYF Mylliem Block

Shillong, Naiwieng 06 : Ka kynhun ki rang ïalehkai basketball jong ka Lawsohtun bad ka Nothing But Nets ha ka liang ki kynthei jong ka Shnong Lawmawbah ki la ïoh rah ïa ka nam lahduh jong ka Open To All Basketball Tour-nament ba la pynlong da ka NPYF Mylliem block
Ka Nothing But Nets ka ïoh rah nam lahduh da kaba pynliem da 39-19 basket ïa ka kynhun Mylliem Syllai-U-Lor katba ka Lawsohtun ha ka liang ki shynrang ka la pynliem da 71-40 basket ïa ka LBM Ballers kaba dei na Lummawbah ha ka jingïakhun phainal ha ka sngi Saitjaiñ ha madan Basketball ha Lawsohtun Block 6
Ha katei ka sngi u Bah Hamletson Dohling MLA ka Mylliem Constituency bad Myntri ka C&RD Block u la don lang bad sakhi ïa ka jingïalehkai phainal kum u Kongsan, nangta u Rangbah Shnong ka Lawsohtun, ki nongkitkam ka NPYF Mylliem Block bad kiwei kiwei.
Ka jingïakhun phainal hapdeng kitei ki saw tylli ki team ka long kaba itynnad bad shongshit bha da ka jingwan ai mynsiem ki nongkyrshan ïa la ki jong ki team.
Ka Lawsohtun bad ka Nothing But Nets kiba dei ki lahduh ki khur ïa ka song pisa ba mar 50 hajar tyngka ryngkat ka trophy katba ka LMB Ballers bad ka Mylliem Syllai-U-Lor ki ïoh mar 30 hajar tyngka lem bad ki trophy. La sam ruh ïa ka ki khusnam shimet kum ka khusnam Most Promising Player, ha ka liang ki shynrang la ïoh da u Clement Kharshiïing jong ka Lawsohtun katba ka Ibadapbiang Langstieh jong ka Mylliem Syllai-U-Lor ha ka liang ki kynthei. Ka kynhun ki thei ïalehkai ka Lawsohtun ki ïoh rah ïa ka nam Most Promising Team.