Shillong, Nailur 05: Ka Meghalaya Amateur Muay Thai Association (MAMTA) kaba dei ka synjuk kaba la shem hapoh ka jylla Meghalaya naduh snem 2000 ka la ïoh ban pynlong ïa ka lympung lehkai kaba la tip da ka 3rd Meghalaya State Level Muay Thai Championship ha ka 2 tarik u Nailur, 2023 ha Laitkor Kynton-U-Mon, Shillong kaba seisoh.
Ha kane ka kynti ba mynta, ki la don kumba 50 ngut ki nongïashimbynta kiba kynthuplang bad ki Official kiba la don bynta ha kane ka Championship kiba napoh ka jylla Meghalaya.
Ha kane ka sngi la ïadonryngkatlang ruh u Bah J. Khyriem kum u kongsan ha kane ka sngi, bad haba ai jingkren u la ai mynsiem bad pynshlur ïa ki samla ba dang khie san ban nang pyntbit shuh shuh ïalade bad dei ban trei shitom khnang ban pynkhreh ïalade khamtam ha kane ka Narional & International Championships ka ban sa long shen.
Haba phai khyndiat sha ka MAMTA ka dei ka synjuk kaba ju peit ïa ka Muay Thai Association of India (MAI) bad ka
Headquarter jong ka, ka don shapoh Kerela, bad ka dei ruh ka dkhot jong ka World Muay Thai Federatíon (WMF).
Ha kane ka Championship ba mynta, ka kynhun East Khasi Hills District ka la ïoh ban bat ïa ka kyrdan ba nyngkong kum ka lahduh, nangta bud sa ka East Jaintia Hills District ha ka kyrdan ba ar (Runners Up).
