Mawkyrwat, Jylliew 08, 2025: Ka 7X1 Airborne ka la long kawei na ki kynhun ba lahduh ha pyrshah ïa ka St. Xavior College Umoid da 59 la 35 poiñ ka lympung ïalehkai basketbol ba la pynïaid da ka Synjuk ki Seng Samla Shnong jong ka South West Khasi Hills District ha ryngkat daka jingïatreilang bad ka ophis jong u District Social Welfare, South West Khasi Hills District ha madan basketball jong ka Nativity Higher Secondary School, Mawkyrwat.
Lah ban kdew ba kane ka lympung ïalehkai ka long kum shibynta ban rakhe ïa ka Nasha Mukti Bharat Abhiyaan kaba long ban ïaleh pyrshah ïa ki jingdih ba pynbuaid kum u Drugs bad kiwei de ki jingdih ba sniew bad ka phangpdeng ba la buh ka dei: “Say No To Drugs Basketball Tournament”.
Lah ban kdew ba ha kane ka lympung ïalehkai la sdang naduh ka 2 tarik u Jylliew, 2025 bad la ïoh ban pynkut noh ha ka 7 tarik u Jylliew, 2025 ha madan Basketball Nativity Higher Secondary Schoo, Mawkyrwat ha kaba ki la don baroh 11 tylli ki hynhun kiba la wan ïashimbynta.
Ha kaba kut jong ka jingïalehkai la ïoh ruh ban sam ïa ki khusnam sha ki nongjop bad ruh sha ka kynhun ba wan ba ar bad kumjuh ruh la ïoh bam sam ïa ka khusnam ‘rang ïalehkai ba kynsai tam kata sha u Terry Nongrum jong ka 7X1 Airborne.
Ha kane ka sngi pynkut, u Wallam Syiemiong uba dei u President Rangbah jong Synjuk ki Seng Samla Shnong jong ka Bri u Hynñiewtrep u la long kum u kongsan ha ryngkat ka jingïadonlang ki nongkitkam jong ka Synjuk ki Seng Samla Shnong jong ka South West Khasi Hills District kumjuh ruh kiwei de ki riew rangbah kiba la shah khot sngewbha.
