Lah donkam ban pyndep ïa ka jingker sainar shiah ha khappud ban lait na ki kam bymman: DG BSF

Shillong, Nailur 20: U Director General ki shipai Border Security Force u Parveen Kumar, IPS u la khot ïa ka jingïalang kaba ar sngi ban ïa kren ha kaba ïa dei bad ki lad pahara ha khappud bad ka Bangladesh kiba dei na ka ka thaiñ shatei mihngi.
Ha kane ka jingïalang kaba ar sngi kaba la long ha ka 17 bad 18/Nailur/2026 mynta u bnai kila ïa kren bniah haba ïa dei bad ka jingshim jaka ban ker sainar shiah bad ki kam pyntrei ha khappud bad Bangladesh.
Ha kane ka jingïalang u Director General ki shipai BSF u la hukum ban sdang noh ïa ka jingker sainar shiah ha ki jaka kiba pat ker bad u la banjur ban peit ba kan nym don kano kano ka jingwan kyntur pud bad ba ki poiwir kim dei ban ïoh sah ha khappud.
Haba ïadei bad ki kam khaïi beaiñ ha khappud u la ong ba dei ban wat ïa ki lad ki lynti kiba thymmai ban ïa khun pyrshah ïa kine ki bor da kaba ïa treilang bad ki bor jong ki sorkar jylla.
U DG ki BSF u la pynsngewthuh bad ban jur ba ka dei ka kamram jong ki BSF ban ïa khun pyrshah da kaba ïatreilang ban pynduh jait ïa ki kam khaïi beaiñ ha khappud bad ki kynhun kiba ïa leh pyrshah ïa ka ri.