Nongpoh, Nailur 06: Ka ophis u Deputy Commissioner ka Ri Bhoi mynta ka sngi ka la pyntip ba ka tnad MeECL ka lah ban pynlait ha kano kano ka por ïa ka um na Jingkieng heh ha Umïam, kaba dei hadien ba ka jingheh jong ka um ka la dang kiew bad lada ka dang kiew la hap ban pynlait noh ïa ka um na katei ka pung Umïam.
Katkum ka kyrwoh ba la pynlait na ka ophis u Deputy Commissioner ka Ri Bhoi, la pyntip ba ka um ha ka pung Umïam ka la dang kiew na ka jingjur slap ha kine ki sngi bad ki bnai ba la leit noh bad lada ka um ka la dang kiew ki la hap ban pynlait noh ïa ka um lynga ka jingkieng heh ha Umïam.
U deputy Commissioner ka Ri Bhoi, u la pyntip paidbah bad buh ruh ka jingmaham ba ha kine ki sngi kim dei ban leit shajan ka wah Umïam khamtam kito ki shnong ba shah ktah ban ïaid ka um lyngba ka wah Umïam bad la btah ruh ïa baroh ki nongshong shnong ba ki dei ban phirkir khnang ban lait na kano kano ka jingjia ba sngewsih lane ba kim bit ban leit shajan ki nar post iletrik ioh don ka jingshah bat bording ilektrik lada pynlait ïa ka um na ka pung Umïam, ong ka kyrwoh na ka ophis u Deputy Commissioner ka Ri Bhoi.
