Lada ym don ka jingtih dewïong be-aiñ nangno mih ki trok kit coke da ki spah tylli??

Shillong, Nailar 28: Ka National Green Tribunal (NGT) ha u snem 2014 kala khang pyrshah ban tih dewiong hapoh ka jylla Meghalaya, hynrei kumno pat da ki spah tylli ki trok ha ka shi sngi ki ïaid lyngba ban kit ïa u coke ha ka shilynter jong ka thain Lad Bakli ka thain Dangar, East Khasu Hills.
Ha ka jingïaid lynti jong u nongthoh khubor jong u Mawphor ha katei ka thain la sakhi ba naduh ka shnong Phlangwanbroi haduh Lad Bakli la sakhi ïa ki trok ba kit coke kila ïaid da u line kaba la kot da ki spah tylli.
Mar ïa lait na ka shnong Pomblang nalor ka jingsdang ban pynheh ïa ka surok la sakhi ïa kawei trok kaba la kylla ha ryngkat bad u coke shi trok bad kine ki trok ba kit coke ruh ym tip kidei kiba wan naei.
Haba ka NGT kala khang ban tih ïa u dewiong, ka jingkylli na ki paidbah ka thain kila buh ba naei ki ioh ïa u coke lada ym dei ba tih beaiñ ïa u dewiong.
Haba ïa kren bad u Bah H Syiemlieh uba dei u Rangbah Shnong ka Shnong Dangar u la ong ba ha ka shi sngi kine ki trok kit coke ki ïaid da ki spah tylli bad kane kala pynlong ïa ki paidbah ban mad ïa ka jingeh ba khraw namar ban leit sha Shillong kala shim por da ki 5 ne 6 kynta.
Ban pass ïa kine ki kali kit coke ka long kaba eh namar ka surok kaba bit kumta hap ban shu bud beit nadien jong ki namar ba kine ki trok haba ki ïaid ki ïaid da u line bad tang ynda la poi ha ki jaka ba kham heh sa lah ban shim pass bad kane kala pynjynjar shibun ïa ki paidbah,