Jowai, Nailur 26: Ïa ka sengtreimon sngewbha jong ki longkmie na Ri-Lum Jaiñtia kaba la ai kyrteng ka Jaiñtia Women Council (JWC) la thaw mynta ka sngi 26/9/2024 ha ka jingïalang kaba la pynlong ha Sweet Chilli Hotel, ha shnong Mynkre, East Jaiñtia Hills District, ïa kaba la pynskhem da u samla rangbah u ma Marshall Biam.
Ka jingthmu ba kongsan haba thaw ïa kane ka seng ki longkmie, ka long ban ai ka jingïada ïa ka hok long briew man briew jong ki longkmie, khamtam ban ïada na ka jingshah thombor ki kynthei ha kiba bun ki liang jong ka jingim jong ki.
Ïa ki nongïalam bad nongkit kam jong ka Jaiñtia Women Council la pyn bam smai da u Founder com Chief Advisor u ma Marshall Biam uwei na ki samla rangbah jong ka thaiñ East Jaiñtia uba ïakit ïa bah ïa ka kam imlang ka sahlang.
Haba ai jingkren ha kane ka sngi na ka liang u ma Marshall ula kyntu kynpham ïa ki long kmie ban ïai neh ban trei shitom na ka bynta ka jingmyntoi ka jaitbynriew. Ula ong ba ha kane juk ba mynta don kam ïa ki longkmie ban trei shitom na bynta ka lawei ba phyrnai jong ka ri bad ka jait bynriew.
Na ka liang ki longkmie ha kane ka sngi kila pynpaw ka jingsngewnguh bad sngew sarong shisha ban ïoh ïa u Chief Advisor da u ma Marshall SB Biam namar ba u dei briew uba la shemphang bha bad u dei u ba tip ïa ka aiñ bad ruh uba nang ban burom ïa ki long kmei bad ïa ki riew kynthei. Ki longkmie kila pynpaw ruh ba ki sngew kumba ki ïoh u kpa uba biang ban ai buit ai budia ïa ki ba kin ïaid shakhmat ha ka kam shakri jong ki.
Ha shwa ban pynlong ïa ka jingbam smai la ïoh ïa ka jingduwai da u Tbn. Piwel Phniaw. La ïoh ruh ka jingkren da u President jong ka United Youth Organization u Mr. Khrawbor Ryngkhlem bad u General Secretary jong ka United Youth Organization Mr. Evanda Dong.
Ki nongkitkam jong kane ka Jaiñtia Women Council (JWC) ki kynthup ïa ka President kong Evansaka Lamare, Secretary kong Nica L Lapasam, Sport Secretary Emika Lamare, Publicity Secretary Torislona Siangshai, Arts & Culture Happy Shylla, Education Secretary Jubilee Dong, Asst. Education Secretary Humility Kynjing, Finance Secretry Marleki Lamare bad Join Secretary kong Angelina Massar. La jied ruh 6 ngut ki dkhot bad ki 30 ngut ki Executive Member.
