La sdang ka jingai phorm na ka bynta ka jingpule Degree ha Rongjeng College

0

Shillong, Naitung 10: Ka Rongjeng Degree College East Garo Hills naduh ka 9 tarik u Naitung, ka la sdang ban ai phorm na ka bynta ka kyrdan pule Degree ha kane ka jaka pule.
Ïa kane la pynbna da u Myntri ka tnat Pule Puthi,u Rakkam A Sangma.
“Naduh ka 9 tarik Naitung, ka la pdiang ïa ki Form na ka bynta ki samla pule kiba kwah ban pule Degree hapoh ka Rongjeng Degree College East Garo Hills,” la ong u Rakkam.
Nalor kane u Rakkam ula pyntip ba ka tnat Pule ka la rai ruh ban pyntreikam noh ïa ka polisi thungkam ïa ki nonghikai da kaba ïaid katkum ka District Roster System ha baroh ki jaka pule ba ïoh jingïarap na ka Sorkar haba ïadei bad ki kam nonghikai.
“Kane kan nym treikam ïa ki jaka pule kiba dang ïoh Lump Sum Grant kum ki skul Adhoc, hynrei baroh ki jaka pule kiba ïa katei ka kam nonghikai la ai jingbit da ka Sorkar,” ula ong.
Haba ïadei bad ka Captain Williamson Sangma State University, u Myntri ka tnat Pule Puthi ula ong, “Ngi la jan pyndep lut ïa ki jingdonkam ha kane ka skulbah. Ka don ka rukom treikam kaba rit tam ban pyndep bad kham kloi ngin sa ïoh Vice Chancellor”.

Leave A Reply

Your email address will not be published.