La sam ïa ka Insurane Polisi sha ki nongrep ha Mairang

0

Mairang, Lber 22 : Haka 21 tarik Lber 2023, ka Agriculture Insurance Co. Of India ka la pynlong ïa ka Program sam Insurance Polisi sha ki nongrep ba lah leh insurance hapoh jong Ka National Crop insurance program -PMFBY Rabi 2022- 23 ha Tirot Sing Memorial Hall , Pyndengumiong, Mairang, Eastern West Khasi Hills, Meghalaya.
Lyngba jong kane ka program ki la don ki jingbatai halor ki jingmyntoi hapoh jong ka PMFBY kaba lah ai jingkyrmen ïa ki nongrep kiba la leh ïa kane ka skhim. I Director Jong Ka Agriculture, I Kong S Kharsati I la long I kongsan jong katei ka program . I Director I lah ai mynsiem shuh ïa kiwei pat ki nongrep ki bym pat shym la pynrung kyrteng ba kin sdang nong naduh ka aiom Kharif ka ban sa wan da ka ba register ïalade hapoh kane ka skhim, ka ban ïada ïa ki nongrep na ki jingduh ha ka rep ka riang kiba lah ban wan da ki jingpynjulor ka bor mariang ba ym lah ban tip lypa.
Ryngkat bad I Director , kiwei ki officers na ka Department jong ka Agriculture- Monitering and Evaluation Officer; Research Officer (Statistics) , ha ryngkat I Branch Manager jong ka Meghalaya Rural Bank , Mairang ki la don lang ha katei ka Program. Ha Kane ka jingïalang la pynsngewthuh ïa ki nongrep shaphang ka rukom ban register , ki jingmyntoi hapoh jong ka skhim ,ki lad ban pyntip lada wan ki jingpynjulor na ka bor mariang khnang ba kin lah ban ïoh ïa ka insurance jong ki bad kumta ter ter. Ka bynta treikam jong ki bank, ki CSC bad ki jingsiew kiba ki nongrep ki hap ban siew (premium) ruh la batai ha katei ka program.
La ïohi ba shibun ki nongrep ki lah ïashim bynta ha katei ka jingïalang bad ki la long kloi ban register hapoh kane ka skhim ha ka aiom ka ban sa wan kata ka long ha ka Kharif 2023.
Ka program ka la kut da ka jingsam polisi sha ki 60 ngut ki nongrep da I kongsan .Kine ki nongrep ba la leh insurance na Myriaw bad Mairang mynta ki lah ban ong da ka jingsarong, “Ka Polisi Jong Nga Ha Ki Kti Jong Nga.”

Leave A Reply

Your email address will not be published.