La pynthymmai ïa ki nongkitkam jong ka SSSM, u SH Khongthaw kum u President
![](https://mawphor.com/wp-content/uploads/2022/05/mawphor-1-1.jpg)
Mawkyrwat, Risaw 16: Ka Seng Samla Shnong Mawlangwir mynta ka kynti ka la ïoh ban pynthymmai ïa ki nongkitkam ba pura jong ka na ka bynta ka samoi treikam jong u snem 2023 – 2026 ha ka jingïalang ba la long hapoh ka Hall jong ka Balang Mawlangwir Higher Secondary School, Mawlangwir, South West Khasi Hills District.
Ha kane ka sngi ïa ki nongkitkam ba thymai jong ka Seng Samla Shnong Mawlangwir la pyntian smai da u bah Koland Lyngdoh uba dei u Secretary jong ka Shnong Mawlangwir ryngkat ka jingïadonlang u bah W. Sangriang, President barim jong ka Seng Samla Shnong Mawlangwir, ka kong M. Marweiñ, Seng Kynthei Shnong Mawlangwir, u bah P. Nongsiej, Village Defence Party kiba la ai ruh ïa ki kyntien ai mynsiem.
Ki nongkitkam ba thymmai jong ka Seng Samla Shnong Mawlangwir ki long President u bah S.H. Khongthaw, Vice President u Sankeyford Marweiñ, General Secretary u Benjohnson Lyngdoh, Assistant Secretary u Elbisson Lyngdoh & u Strainbanroy Wanniang, Finance Secretary u Janaikupar Marweiñ, Sports Secretary u Luckystar Marweiñ, Education Secretary u Redianstar Snaitang, Volunteer Secretary u Shainingstar Wanniang, Girls Wings Secretary ka Octomerrylin Marweiñ, Ex-officio Members u bah Teiminot Marweiñ bad u bah Welborn Snaitang, Advisers u bah A.D. Kharlyngdoh bad u bah Elbok Wanniang bad ryngkat ki 8 ngut ki dkhot ha kaba ïa kine la pynskhem da u bah Koland Lyngdoh, Secretary Shnong Mawlangwir.
Shuh shuh ha kajuh hi ka sngi la ïoh ruh ban pynskhem ïa ki nongkitkam ba thymmai jong ki Seng Samla Dong kiba kynthup ïa ki 4 tylli ki dong.
Kham ha shwa, la ïoh ban sdang ïa ka jingïalang da ka jingdwai na u Principal jong ka Balang Mawlangwir Higher Secondary School, Mawlangwir, u bah K. Marweiñ.
La pynïaid ïa ka jingïalang da u samla Benjohnson Lyngdoh, General Secretary jong ka Seng Samla Shnong Mawlangwir bad ka jingkren khublei na u bah Elbisson Lyngdoh, Assistant Secretary jong ka Seng Samla Shnong Mawlangwir.