Jowai, Rymphang 04: Shi bynta na ka International Water Conclave 2024, ka ophis jong u Deputy Commissioner, West Jaiñtia Hills District, Jowai kala pynlong ïa ka District level Quiz bad Painting Competition kaba la long hynnin ka sngi 3 tarik ha Conference Hall, DC office, Jowai.
Kila don haduh hynriew tylli ki kynhun kiba la wan ïashim bynta ha ka jingïakop Kyntip kiba kynthup na ka Sokha Government Higher School, Sokha, Thomas Jones Synod College, Jowai, Kiang Nangbah College, Jowai bad ar tylli ki kynhun naka Bharat Scouts and Guides.
Katba ha ka jingïakop dro dur ki don haduh 28 ngut ki nongïashim bynta halor ki lai tylli ki phang ban pynneh pynsah ïa ka um,
ki ar tylli ki kynhun kiba la jop ha ka jingïakop kyntip (Quiz competition) ki long ka Sokha Government Higher Secondary School, Sokha bala mih khmat da u Gorge Donkupar Gassah bad u Nangkhraw Kitbor Khonglah, na ka Thomas Jones Synod College, Jowai la mihkhmat da u Mutbha Lapasam bad u Quikly Pala.
Na ka liang ka kong B. Blah, Additional Deputy Commissioner, West Jaiñtia Hills District, Jowai ha ka jingkren kaba pyntip ka jingpynlong ïa kane ka jingïakop shi bynta na ka jingkynmaw ïa ka International Water conclave 2024 bad kan long ruh shi bynta ban ai jinghikai shaphang ka jingdonkam jong ka um. Shuh shuh kala pyntip ïa ki nongïashim bynta ha ka jingïakop dro dur yn phah ïa ki jingdro sha Shillong ban ïoh jurip bniah da ki nongbishar (judges)
Kala pyntip ruh ki nongjop ha kine ki jingïakop kin ïoh ban leit ïashim bynta ïa ka District sha ka State Level.
