La pynlong ïa ka District Level Science, Mathematics & Environment Exhibition ha JEC Khliehriat

Khliehriat, Lber, 11: Ka ophis jong u District School Education Officer (DSEO), East Jaiñtia Hills District mynta ka sngi ka la pynlong ïa ka District Level Science, Mathematics & Environment Exhibition ha Jaiñtia Eastern College Khliehriat, kane ka prokram ka dei halor ka jingthmu ban kyntiew ïa ki khynnah ha ki sap ki phong ba ki don ha ryngkat ka stad ka tip ba ki ïoh na ki shlem ai jingnang jjingstad bad ruh ban kyntiew ïa ka jingïatreilang kaba ailad ïa ki khynnah ba kin pynpaw sha ka pyrthei ïa ka jingtip jong ki kaba ïadei bad ka jingeh ba ka pyrthei ka iakynduh ha kine ki sngi, kane ka prokram ka don ruh ka phangpdeng kaba iadei bad ka Science Technology na ka bynta ka lawei ba bha“Science and Technology for Sustainable Future”
Kiba la ïa don lang ha kane ka sngi ha katei ka exhibition lane ka jingpyni nam, ki kynthup ki nongtrei na ki tnat sorkar, ba kynthup ka kong R. Laloo kaba ba na ka tnat Soil& Water Conservation Officer, East Jaiñtia Hills District, u Assistant Professor, Jaiñtia Eastern College, u Prof. Nishwa Rymbai, ka Block Technology Manager from Agriculture Department, East Jaiñtia Hills District, ka kong. Academy Sutnga, Special Educator, East Jaiñtia Hills District, u Babu Salanbor Kamar bad kiwei kiwei kiba dei na ka tnat District School Education Office (SDSEO), East Jaintia Hills District, ki nonghikai bad ki khynnah skul kiba na ki skul bapher bapher kiba na East Jaiñtia Hills District.
Ki khynnah skul kiba la wan ban ïa shim bynta ha kane ka jingpyni nam ne ka Exhibition kaba da ki model, ki dei kiba na ki skul kiba don hapoh ka district bad ki bynta ne ki topics ha kane ka Exhibition ki kynthup halor ka phang ban pynduna ïa ka jingdon ka Sulphur-dioxide bad ka Nitrogen oxide ha ka lyer ne ha ka Atmosphere, ban ïoh ïa ka jingim kaba koit ba khiah, ki jingbam kiba bha, ka khuid ka suba, kumjuh ruh la pyni ïa ka rukom ha ka Exhibition ïa ka jinglong husiar lada wan u jumai, ka jinglong adkar ha kaba bret ïa ki ñiut kiba mih na ki ïing ki sem, ka jingma kaba ap na kaba pom pathar ïa ki dieng ki siej bad ka jingdonkam ban thung dieng bad kiwei kiwei kiba ïadei bad ka jingbit jingbiang ha ka mariang kiba ïadei bad ka jingim briew.
Hadien ka jingpyni nam ne ka Exhibition , la sam ïa ki syrnot lem bad ka pisa sha kito kiba jop bad ki Mementos.
Ha kane ka Exhibition, ka Tumpa Nath kaba na ka skul Ambrose Memorial Secondary School, Khliehriat ka la rah ïa ka nam lahduh, ka Mehek Ansari kaba na ka skul Little Star Secondary School, Ladrymbai ka la wan ba ar bad ka Baphindarisha Dkhar, na ka skul Khliehriat Higher Secondary School, ka la wan ba lai.