Khliehriat, Iaiong 28: Ka Jaiñtia National Council JNC ha ka 26 tarik mynta u bnai ïaiong ka la ioh ban pynkha sa kawei ka shnat treikam ba thymmai jong ka seng kaba la tip kum ka Moobakhon-Sehlama Unit, ïa kane ka jingpynkha ïa katei ka unit ba thymmai la pynlong ha ka Nongmulieh Govt. Lp school Moobakhon, West Jaiñtia hills district, ïa ka jingïalang ba pyniaid da u General Secretary ka JNC-Western Zone, u bah H. Lyngdoh bad la jied ruh ïa ki nongkitkam bad ki dkhot jong katei ka Unit.
Haba kren ha ka jingïalang pynkha tnat treikam ka JNC ha West Jaiñtia Hills District, ka Moobakhon-Sehlama Unit, u President ka JNC, u bah Sambormi Lyngdoh u la ong ba la sanphew tam tylli ki snem ki lah leit hynrei haduh mynta ym pat lah ban pynphai ïa ka elaka Labang-Nangphyllut sha ka Ri Jaiñtia bad u la shim ruh ïa ka bynta kaba kongsan ha kaba u la leh ïa ka jingpyn kular bad ka jingpynskhem ïa ki nongkitkam bad ki dkhot jong ka JNC Moobakhon-Sehlama Unit.
Haba ha ka jingïalang, u President ka JNC u la pynkynmaw bad ong ba “Kum ki shnong kiba ïa jan bha bad ka jylla Assam ngi dei ban tip ïa laka History ka Ri Jaiñtia khamtam ïa la u pud u sam jong ka khnang ba ngin dup lah ban ïada ïa la ka jong ka khyndew ka shyiap, kum ka jaitbynriew rit paid ngi dei ban tip ruh ban nang ban ri ban sumar ïa la ka jong ka riti ka dustur khamtam ka tipkur ka tipkha bad ngi dei ruh ban nang ban ïada ban pynneh pynsah ïa la ka ktien ka thylliej kumba u (L) Professor Barrister Pakem uba ïalam ban seng ïa kawei ka seng haki snem (1976-1977) ka “Seiñ ktieñ Wei thoh Jaiñtia” da kaba pynshong nongrim “im i ktieñ-im ka Jaitbru”, utei u nongïalam ka JNC u la kyntu ïa ki dkhot ba thymmai ba kin long phikir bad peitngor bha ha kaba ïadei bad ka jingwan rung ki briew kiba nabar khamtam ki nong Bangladeshi sha kane ka Ri baieid Jong ngi.
Haba kren pat sha ki nongkitkam bad ki dkhot ba thymmai jong ka JNC Moobakhon-Sehlama Unit, West Jaiñtia Hills District u bah Sambormi Lyngdoh u la ai ka jingkitbok kitrwiang bad ai mynsiem ruh ïa ki ba kin trei bha ïa ka kam ban shakri ïa la ka ri bad ka jaitbynriew hi baroh kawei.
Ki nongkitkam jong ka Jaiñtia National Council Moobakhon-Sehlama Unit kiba la jied bad pynskhem ki kynthup u President, u bah Rikus Lamare, Vice President, u bah Pynshai Shylla, General Secretary, Lereson Kynjing, Assistant Secretary, Yoomi Sumer, Finance Secretary, u Plijes Lamare, Publicity Secretary, Datikna Lamare, Assistant Publicity Secretary, Elies Shylla, Education Secretary, u bah Eborlang Lamare, Environment Secretary, u bah Mandakani Lamare, Arts and culture Secretary, u bah Pynshebhaki Dhar, Sport Secretary, u bah Tremi Pajuh, Office Secretary, u Richmon Sumer lem bad khatwei ngut ki dkhot.
