Jowai, K’Lyngkot 09: I Additional Deputy Commissioner (Supply), West Jaiñtia Hills District ila pynbna paidbah ba la dep ban pyllait ïa u khaw AAY, PHH bad u Non-NFSA na ka bynta u bnai Kyllalyngkot 2024, sha baroh ki Wholesaler na ka bynta ban pynpoi sha ki FPS Centres naduh 10 tarik Kyllalyngkot, 2024 haduh 15 tarik u Kyllalyngkot, 2024.
Ïa ka bhah jong u khaw AAY yn sam ha ka jingthew kaba 35 kilo shi ïing, khlem da hap ban siew.
Ïa u khaw PHH yn sam ha ka jingthew kaba 5 kilo shi khlieh, khlem da hap ban siew dor.
Katba ïa u khaw Non-NFSA yn sam ha ka dor 14/- shi kilo.
Kumta, la bthah ïa ki Fair Price Shop Dealers ba kin leit shim ïa ki permit na ka ophis jong u DC (Supply) bad ban sam pyndep ïa u khaw hapoh ka 10 tarik Rymphang, 2024, khlem pep, da kaba pyndonkam ïa ki e-Pos machine da ka online mode.
