Jowai, Risaw 09: U Deputy Commissioner (Supply) ka West Jaiñtia Hills District ula pynbna paidbah bala pyllait ïa u khaw AAY, PHH bad u Non- NFSA naka bynta u bnai October, 2025 sha baroh ki wholesalers na ka bynta ban pynpoi sha ki FPS centre.
Ïa u khaw Antyodaya Anna Yojna (AAY) yn sam ha ka jingïoh kaba 35 kilo shi khlieh shibnai bad ym donkam siew dor.
Ïa u khaw Priority Household (PHH) yn sam haka jingïoh kaba 5 kilo shi khlieh shibnai bad ym donkam siew dor.
Katba ïa u khaw Non- NFSA yn sam ha ka jingïoh kaba 7.105 kilo shi card/ïing haka dor ba la pynbeit da ka Vigilance Committee bad ym dei ban die tam ïa ka dor T. .14 shi kilo.
U Deputy Commissioner ula bthah ïa ki FPS dealer ba ki die ban wan shim, ïa ki permit na ki permit na ka ophis jong u Deputy Commissioner (Supply) bad ban sam pyndep hapoh 31 tarik, Risaw, 2025 da kaba pyndonkam ïa ki e-pos machine da ka online mode.
