Jowai, Nohprah 06: U Deputy Commissioner (Supply), u la pynbna paidbah ba la pyllait ïa u khaw AAY , PHH bad u Non-NFSA na ka bynta u bnai Naiwieng (November) 2023, sha baroh ki Wholesaler na ka bynta ban pynpoi sha ki FPS centres naduh 4th Nohprah 2023 haduh 8th Nohprah, 2023
Ïa ka bhah jong u khaw AAY yn sam ha ka jingthew kaba 35 kg shi ïing, khlem da hap ban siew. Ïa u khaw PHH yn sam ha ka jingthew kaba 5 Kg shi khlieh, khlem da hap ban siewdor. Katba ïa u khaw Non-NFSA yn sam ha ka dor 14/- shi Kg.
Kumta, la bthah ïa ki Fair Price Shop Dealers ba kin shim ïa ki permit na ka ophis Deputy Commissioner (Supply) bad ban sam pyndep ïa u khaw hapoh ka 10th Nohprah, 2023, khlem pep, da ka ba pyndonkam ïa ki e-Pos machine da ka online mode.
