Shillong, Jymmang 17: Ka Seng Rangbah Katholik Mawlai Parish ha ka 15 tarik Jymmang ka la sdang ïa ka lympung ïalehkai football ba la tip kum ka Platinum Jubilee Football Tournament ha Madan heh, Mawlai Phudmuri.“Ïa kane ka lympung la wan ban plie pyrda da u Bah Marbud Dkhar uba la long kum u kongsan. U kongsan u la ai khublei ïa ka Seng Rangbah Mawlai Parish ka ba lah ïoh lad ban pynlong ïa kane ka tournament kaba i shong kun. “La slem ba ngi ïoh pat ban ïa kynduh biang kum ka kynhun ban pyndep ïa baroh ki kam ki jam kiba dang sah bad kiban dang wan shakhmat,” ong u Bah Marbud.““Ka long kaei kaei kaba sngewtynad haduh katta katta ba ka Seng Rangbah Mawlai kan ïoh mad ïa ka Platinum jubilee, bad da ka jingkyrkhu bad jing isynei U Blei Trai Kynrad ngi roi ngi khlaiñ wat ha bun ki jingeh,” u la bynrap“Ha kane ka sngi la ïadonlang ruh u Parish Priest ka Mawlai u Phadar Telephorus Nonglang kum u symbud kongsan uba la kyrkhu kyrdoh ïa ki kynhun ba wan ïashim bynta, President ka Seng Kynthei Katholik Mawlai Kong K Nongspung bad Secretary Kong Rikmen Lamin bad baroh ki nongkitkam ka Platinum jubilee naduh u chairman bad ïa ka jingïalang la pynïaid da u Bah Peter Lamare .
