Jowai, Jylliew 03: U Deputy Commissioner jong ka West Jaiñtia Hills District uba dei ruh u Chairman jong ka District Disaster Management Authority (DDMA) West Jaiñtia Hills District ha ka sngi Baar ula pynmih ïa ka hukum ba la shah biang ban plie ïa baroh ki jaka jngohkai pyrthei kiba don hapoh ka District. Ïa ka jingplie biang ïa ki jaka jngohkai la pyntip hadien ba ka DDMA ka la ïohi ba ka jinglong jingman jong ka suiñbneng ka la kham thanda na ka jinghap jong u slap bad ka jingbeh ka eriong.
