La nang kham ïoh bor u ophisar Custom
![](https://mawphor.com/wp-content/uploads/2022/07/mawphor-1.jpg)
Shillong, Naiwieng 28 : U Inspector ka Customs bad Central Excise u Alok Kumar uba la shah bom shah tied ha ki riew runar tap khmat ha ka 24 tarik Naiwieng 2022 hajan Civil Hospital mynta u la nang kham ïoh bor ha ka jaka sumar ïa u ha ICU ha Guwahati Neurological Research Centre (GNRC).
U Kumar ula wan sha kane ka nongbah Shillong ban ïoh jingpyntbit (training) ha Natianal Academy of Custom Indirect Taxes and Narcotics (NACIN), Shillong. Hadien katei ka jingjia la pynkit ïa u sha Woodland Hospital, Shillong bad buh ïa u shimiet ha ICU hynrei ha ka 25 tarik la pynkynriah noh ïa u sha GNRC, Guwahati.
U Alok Kumar u la kham ïoh bor mynta bad la pynkynriah ïa u mynta hi ka sngi na ICU sha ka Semi ICU. U la kham ïoh bor mynta ban ïa kaba u long mynshwa tangba la ïathuh ba un dang donkam hi ban thiah sa kumba san sngi ei ei ha Semi ICU. Ka khmat ka diang jongu ka shitom jur bha, ïathuh ki ophisar jong Custom bad Central Excise.
Ha katei ka jingshah bom ha ki riew tap khmat kiba pyrta “ Ha ri lajong katba mon” la ïathuh ba u la mynsaw jur na ka khmat, shyllang bad na katei ka khmat ka diang. Na ka liang ka Shillong Circle ( Guwahati Zone of All India Excise Inspectors Association (AIEIA) ki la dep ujor FIR ha Shillong Sadar Police Station.