Nongstoiñ, Nailar, 30: U Deputy Commissioner ka Eastern West Khasi Hill District, u bah G Kharmawphlang IAS, u la pynmih ïa ka hukum ban khang pyrshah ïa ka jingrung jong ki kali, ki briew ne kynhun briew ban rung ban mih sha ka ophis bad quarter jong u Deputy Commissioner Mairang, khlem da ïoh ïa ka jingbit na ki bor ba dei peit.
Ïa kane ka hukum la pynmih khnang ban ïada na kino kino ki jingjia bym poi pyrkhat ban ïada ïa ki officer, ki tiar ki tar lane kino kino ki mar jong ka Sorkar. Kane ka hukum kan treikam noh mardor tad haduh ynda pynbna da kumwei pat.
