Shillong, Naitung 15 : U Chief Engineer ka Public Health Engineering (PHE) Bah BM Lyndem u la pyntip ba ka jingpynpoi ïa ki pipe jong ka Greater Shillong Water Supply Scheme (Phase-III) ka la jan dep bad kaba sah mynta ka long sa tang ban pyrshang ïa katei ka lain ba dang shu dep leh thymmai kaba la ïaid mynta shakhmat.
U CE u la pyntip ruh ba ha kane ka por, ka lah ban don ka jingpoi ka um khamtam haba ïadei bad ka rong namar ka dang ïaid na kitei ki pipe ba dang shu dep thymmai sha Shillogn bad ki jaka ba marjan.
“Ka jingthut ban pynpoi um na bynta shipor kadei na ka bynta ka jingpyndep ïa kitei ki jingpynpoi um jong ka Greater Shillong Water Supply Scheme (Phase-III) bad la pyrshang ruh katba lah ban pyndep noh kham kloi khnang ba ki paidbah kin ioh noh ïa ka um kaba khuid ba suba,” u la ong.
