La buh ïa ki komitis kiba ïadei bad ka jingïaid beit ïaid ryntih ka elekshon ha South West Khasi Hills District

Mawkyrwat, K’lyngkot 23: U bah T. Lyngwa, District Election Officer ka South West Khasi Hills District Mawkyrwat u la pynbna paidbah ba namar ka General Elekshon sha Meghalaya Legislative Assembly, 2023 da kaba bud beit bud ryntih ïa ki jingbthah jong ka Election Commission ka ri India bad khnang ba ka Elekshon kan long kaba khuid ba suba, la thaw ïa ka komitis kaba ïadei bad ka jingïoh kurup pisa bad ban sngew ïa ka jingeh ki paidbah (Committee on seizure of cash and redressal of public grievances), ka District Committee kaba peit ha kaba ïadei bad ka jingpynlut pynsep ha ka Elekshon (District Expenditure Monitoring Committee), ka Election Expenditure Monitoring Control Room bad ka Complaint Monitoring Centre 24X7 ha ka distrik ha kaba ki paidbah ki lah ban contact ha u No 9485153272 na ka bynta kano kano ka jingpynlut kaba ïadei bad ka elekshon.