Shillong, Naitung 19: Shuwa ban jam sha ka sngi sdang jong ka lympung ïalehkai Durand Cup 2023, na ka liang jong ka Department of Sports and Youth Affairs jong ka sorkar jylla Meghalaya, ryngkat bad ka Eastern Command jong ka Indian Armed Force ka la pynkhreh ban pynlong ïa ka prokram ban plie pyrda bad pyni paidbah ïa ka Trophy jong ka Durand Cup 2023 ha ka 21 tarik mynta u Naitung ka ban hap lashai ka Sngi Thohdieng, kum shi bynta shuwa ban sdang ïa kane ka lympung lehkai kaba la kynjoh mynta haduh 132 sien pynlong.
Ha u ne u snem, katkum ka program kaba la pynbeit, ïa ki jingïakhun yn sdang naduh ka 3 tarik u Nailar bad kan jam sha kaba kut haduh 3 tarik u Nailur, 2023.
U Myntri Rangbah jong ka jylla, u Conrad K Sangma un sa don ryngkatlang ha kane ka sngi kum u kongsan ha ka jingplie pyrda ka ban sa pynlong ha State Convention Centre, Shillong ha ka 21 tarik u Naitung, 2023 ha ka por 1:30 nohphaisngi.
Hadien ba ladep katei ka program yn bud sa ka jingïaid paidbah (Road Show) ïa kane ka trophy jong ka Durand Cup ha Khyndai Lad, Shillong naduh ka por 3:30 jan miet.
