Khur namjop ka Lumkhangdong Kyndongtuber bad ka Da-i-hi Mynsngad, ïakhaid ar tylli ki jingïakhun

Jowai, Naitung 19: Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long mynta ka sngi Balang ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka kynhun lehkai jong ka Lumkhangdong Kyndongtuber kala pynliem da 5-0 kol ïa ka Youth Social Welfare Pynthor, bad ïa ki kol na ka Lumkhangdong Kyndongtuber la thep da u Risid Dkhar haka minit ba 9, u Damepaia Shylla haka minit ba 21 & 34, u Leiyoo Phawa haka minit ba 29 bad u Phourki Chyrmang haka minit 70.
Ha ka jingïakhun kaba ar kaba la long hapdeng ka Lumpyrtuh Mihmyntdu pyrshah ïa ka Madanthad Thadmuthlong ka la jam sha kaba kut da ka jingïakhaid mar 2-2 kol. ïa ka kol na ka Lumpyrtuh Mihmyntdu la thep da u Heimonmi Dkhar ha ka minit ba 55, u Monlang Phawa ha ka minit ba 70+3. Na ka liang ka Madanthad Thadmuthlong la thep da u Precious Tang haka minit ba 7 & 46.
Haba phai pat sha ka jingïakhun kaba lai kine ki kynhun kila poi sha ka jingïakhaid khlem da don kiba thep kol hapdeng ka Moodop Royal pyrshah ïa ka Riatsaliya Mihmyntdu.
Katba ha ka jingïakhun kaba saw ka kynhun ïalehkai jong ka Da-i-hi Mynsngad kala pynliem da 2-1 kol ïa ka Lumchyrmang Mihmyntdu. Ïa ki kol na ka Da i hi Mynsngad la thep da ka Lamjingkyrmem Muksor haka minit ba 14 bad u Pynskhem Mukhim haka minit ba 20. Ïa ka kol na ka Lumchyrmang Mihmyntdu la thep da u Fredi Chyrmang haka minit ba 33.
Ka jingïakhun lashai ka sngi 20 tarik u Naitung kan long hapdeng ka Mookynphad Mihmyntdu pyrshah ïa ka Saiñdur Mihmyntdu haka por 10 shiteng mynstep, katba ka Mupliang pyrshah ïa ka Pateiñki Sabah haka por 12 baje shiteng sngi.