Nongpoh, Naitung 11: Kawei ka Mei-ieid ba la 76 snem ka rta bad bad la tip kyrteng kum ka mei-ieid Phip Lyngdoh na ka Shnong Diwon ha ka thain Umden ha Ri Bhoi, I la jah noh la 2 sngi mynta khlem pat wan phai ing bad kata ka long ba ine I mei-ieid u la mih na la ing naduh ka por 10 baje mynstep ha ka 8 tarik Naitung, 2024 bad khlem da wan phai shuh sha la ïing.
Halor kane ka jingjah kane ka mei-ieid, na ka liang ka ïing ka sem ki la pyrshang ban wad ha katei ka sngi bad namar ba kim shym la lap satia ki la hap ban pyntip noh sha ka bor shnong ka shnong Diwon, na ka bynta ban pynlong ïa ka jingïawad shnong.
Haba kren sha ki lad pathai khubor, u Secretary Shnong ka Shnong Diwon, u Bah Sterling Khymdeit, u la ong ba kum ka bor shnong tang mar ïa ioh pdiang ïa kane jingpyntip ba la jah katei ka mei-ieid, hynnin ka sngi ki la pynlong ïa ka jingïawad shnong sha baroh ki jaka shnong bad ki khlaw ba ju smat ban leit katei ka mei-ieid, hynrei haduh mynta ka sngi kim pat shym la lap satia ïa katei ka mei-ieid.
U la ong ruh ba na ka liang ka bor shnong wat mynta ka sngi, ruh ki la pynlong ïa kata ka jingïawad shnong na ka bynta ban lap noh ïa katei ka mei-ieid ba la jah bad lada kim lap mynta ka sngi kum ka ing ka sem bad ka bor shnong ki hap ban ujor noh da ka ejehar sha ki bor pulit.
Kumba la ïahtuh da ka khun jong katei ka mei-ieid ba la jah, ka Kiong Them Lyngdoh, ka la ong ba ka kmie jongki, ka dei kaba don jingpang la saw snem ei ei bad ka ju smat ruh ban mih na la ing bad wan phai pat tang hadien katto katne kynta, hynrei ha ka step jogn ka 8 tarik Naitung 2024, ka la mih na la ing ha a por 10 baje mynstep bad khlem da wan phai pat sha la ïing.
Shuh shuh, kane ka khun ka la ïathuh ruh, ha ka por ba ka mei-ieid ka mih na la ïing, ka mei-ieid ka phong jaiñ kyrshah rong Blue bad phong ïa ka sopti rong lieh. Na ka liang ka ïing ka sem ka kyrpad ruh ïaki Paidbah ki ba ïohi ïa kane ka mei-ieid ba kin pyntip lang sha ka ïing ka sem lane sha ka shnong.lada ki lap ne shem ha kano kano ka jaka.
