Khliehriat, Jylliew 17: Ka Voice of the People Party Narpuh Circle ka pyntip paidbah ba kan ai ka jingkyrshan ba pura ïa ka sienjam ba la shim da ka JAC Dong Namchiang ha ka 19 tarik mynta u bnai jylliew ha kaba iadei halor ka surok NH-6 naduh Tongseng shaduh Malidor East Jaiñtia Hills District.
Ka VPP Narpuh Circle ka pynpaw ka jingsngewkhia kaba jur halor kane ka jingsniew palat ka surok NH 6 khamtam ha thaiñ Narpuh kaba la buh jingeh ïa ki nongleit nongwan, “Na ka liang ka VPP Narpuh Circle ka la dep wan iakynduh ïa u MP ba thymmai, u Dr Ricky AJ Syngkon bad ngi lah pan jingiarap ruh na ki nongialam ka party ban iarap ban iakren lem sha ka sorkar jylla na bynta kane ka jingeh jong ki paibah namar ka nongmihkhmat jong ngi, i Kong Santa Mary Shylla im lah ban pyndep ïa ki jingkular jong ka halor kane u surok jong ngi” ong u kyrwoh na ka President VPP Narpuh Circle, ka kong Deiwi Tongper.
La ong shuh shuh ruh ba Ka VPP Narpuh Circle kan ai ka jingkyrshan ba pura ïaka JAC ha kino kino ki jingiakhih ba shakhmat ha kaba iadei bad kane ka surok bad ka party ka khot ka wer lang ruh ïa baroh ki nongkyrshan ban ai ka jingiasnoh kti lang ryngkat bad ka JAC khnang ba ka dong ka thaiñ kan ioh noh ïa ka surok kaba bha.
