Kyntu u Bah W. Nongtdu ïa ki sengbhalang ban khynra ïa ki kharkhana halor ka jingthungkam

Jowai, Jylliew 17: U Liaison officer Meghalaya (LO) jong ka Meghalaya Private Security Agency (MPSA), u bah W. Nongtdu haba ai jingkrren sha ki lad pathai khubor hynne ka sngi 17.06.2024, u la kyntu bad kyrpad jur ïa ki seng bhalang bapher bapher ban ïa treilang na ka bynta ban khynra ïa ki kharkhana kum juh ki dukan heh jong ki bar jylla ki ba biang kot biang sla ne ki bymbiang ruh na ka bynta ban jurip bniah khnang ban tip bniah katno ngut ki nongtrei trai jylla kiba don ha ki kharkhana jong ne ki factory bad Hotel jong ki.
Ula ong ruh kat kam ka jingïohi bad lap ka jong u jong u hapoh ka jylla Meghlaya ba bun hi ki company kiba don ha kane ka jylla ki buh ia ki nongtrei tang ki briew jong ki hi haoid kum sha ki kharkhana Cement bad kiwei don ki trai jylla kiba trei hynrei kam kot pat sha ka 40% kat kum ka jingong jong ki. Kumta na ka liang u bah Nongtdu u khot bad wer lang ia ki sengbhalang ban ïatrei lang na ka bynta ka ri bad ka jait bynriew.
U bah Wailad Nongtdu uwei na ki rangbah na Ri Lum Jaiñtia, ula pynsngew kumjuh halor ka jingma ïa ki nongleit nongwan sha ka Jowai Civil Hospital Ialong namar kane jaka ai jingsumar ka don harud u surok bah (National Highway-6), khamtam eh ïa ki bapang bashitom kiba leit sha kane ka Hospital sorkar haba ki hiar napoh kali.
Kumta na ka liang jong u, u la kyntu jur ïa ka sorkar khamtam ïa ka tnat pulit traffic ne nongpynïaid kali ki dei ban buh ïa uwei ne ar ngut ki pulit ne Home guard nongpyniaid kali ha katei ka jaka ba don ka tei ka Hospital