Kyntu jur ka KSU Wapung na ka PWD ban maramot kloi ïa ka surok Bypass na Moowakhu-Jalyiah- Wapung

Khliehriat, Nailur 23: Ka Khasi Students Union Wapung Unit hynnin ka sngi ka la leit ban buh da ka jingthoh ha khmat u Execitive Engineer jong ka tmat P.W.D (Road) Khliehriat bad ka la kyntu jur ïa ka tnat ban shim khia ban maramot bha noh ka ka surok Bypass kaba ïaid lyngba na ka shnong Mookhu sha Jalyiah ter ter shaduh shnong Wapung namar kane ka surok ka la jot rathai ha kaba la bun bun snem ka tnat ka khlem maramot shuh ïa kane ka surok.
U u President KSU Wapung Unit, u samla Deiniwan Lyngdoh lem bad ki dkhot ki la ong ba katei ka surok bypass ka long kaba donkam bha namar haba jur palat ka jingdheng kali ha surok national highway kaba naduh Ladrymbai ki kali ki ju ïaid na kane ka bypass bad lah ban ong ruh ba kane ka surok bypass kaba na Moowakhu- Jalyiah ter ter shaduh Wapung bad kane ka lah ban tehlakam ïa ka jingdheng kali ha surok national highway kaba naduh ka surok NH Ladrymbai ter ter.
Lyngba ka jingthoh ka seng ka kyntu bad kyrpad jur ïa ka tnat PWD ba kan sngewbha ban shim khia noh khlam kloi ban maramot ïa kane ka surok bypass.