Kyntait u bah Sanbor ba don ki MLA ka NPP ba thmu wan pynïasoh bad ka BJP

Shillong, Nailur 29: Ka jingïateh lok hapdeng ka National People Party (NPP) bad ka Bharatiya Janata Party (BJP) kaba dei ruh ka bynta jong ka NDA alliance ka dang neh skhem bad ïa ka jinglah ban kynriah ki MLA ka NPP sha ka BJP, u nongialam uba dei ruh u myntri sorkar u Bah Sanbor Shullai u la kyntiat war ïa kane ka khubor.
Katkum ka kyrwoh khubor U Bah Sanbor Shullai u la pynpaw ba kumba la pynthikna da ki nongïalam ba ha khlieh duh ka jingïatreilang jong ka BJP-NPP ka dang neh bad ki nongïalam ba ha khlieh duh ki la pynshai ba kam don kum kata ka jingïakren bad ka NPP bad ki nongïalam ba ha khlieh duh ki sngewkmen ïa ka sorkar jylla ba lam khmat da u Conrad sangma.
U Bah Shullai u la pynpaw namar ba ka NPP bad ka BJP ki ïatreilang ha ka sorkar pdeng kumta baroh ki long kiba bha hapdeng baroh ar tylli ki party.U Bah Shullai u la ïaroh ïa u Conrad sangma uba la ïalam ïa ka sorkar bad ong ba u CM jong ngi u ba ju shim khia ïa ka constituency jong ngi.
Shuh shuh u Bah Shullai u la pynpaw ruh ba katkum ka jingbthah ba la ioh na ki nongïalam ba ha khlieh duh baroh ki MLA ka BJP ryngkat bad u sate president ka jylla jong ngi ki lah ban ïakynduh ïa u myntri rangbah bad pan jingkyrshan na u ha baroh ki constituency jong ki.
“Baroh ki lad pathai khubor ha ki social media kiba kam ba ki MLA ka NPP kin pynïasoh bad ka BJP ka dei kaba thok bad u la ong ba kam don satia kaba kum kata ka jingiakren bad ki MLA ka NPP bad lada don ki nongialam jong ka jylla kiba leh kum kata ka jingiakren te kam don kano kano ka jingpynshisha namar ki nongialam ba ha khlieh duh ki la kyntait ïa kum kine ki jingiakren bad ki la ai jingmaham ïa ki nongialam ka party shwa ban ai kano kano ka jingkynthoh kaba ktah ïa ka jingïadei hapdeng ka NPP bad ka BJP” ong u Bah Sanbor.