Shillong, Rymphang, 23: U District Election Officer (DEE) jong ka Eastern West Khasi Hills District ha ka sngi Balang u la pan jubab na u Bah H. Brolding Nongsiej uba long u kyrtong jong ka United Democratic Party (UDP) na Mawthadraishan Constituency halor ka jingujor jong u President ka Hynniewtrep Achik National Movement (HANM) Mawthadraishan Circle ba la kynnoh ba u Bah Brolding Nongsiej u la ai ïa ka pisa lane ka skhim hapoh ka Special Rural Work Programme sha kawei ka longkmie kaba la tip kyrteng kum ka Kong Kistina Marweiñ.
Ha ka jingpan jubab, u DEO u la ong ruh ba kane ka dei ka jingpynkheiñ ïa ka Model Code of Conduct (MCC) ba la pynbna da ka Election Commission of India (ECI).
U DEO u la hukum ruh ïa u Bah H. Brolding Nongsiej ban ai jubab ha ka 25 tarik u Rymphang, 2023 ha ka por 11:00 baje mynstep.
