Shella, Naiwieng 01: Ka Seng Samla Kher Ramsongkatonor, Shella ka la ïoh ban kynmaw burom ïa ka lyngkhuh sngi khlad kaba Hynriew Phew Lai jong u (L) Rev J.J.M. Nichols Roy ne u ah Joy ba ki paidbah ki ju kynmaw ieid.
Ïa kane ka jingkynmaw burom la pynlong ha ka phyllaw jong ka Ïingmane ka Balang U Blei (M&A), Jasir, Shella.
Ha kane ka sngi la pynlong da ka jingïalang kaba lyngkot ba la pynïaid da u General Secretary jong ka Seng Samla Kher Ramsongkator, u Samla Wanteidor Rajee bad la pynbud da ka jingduwai na u Rev. J. Bynnud bad kum ka dak ka jing kynmaw burom la ïoh ban buh ïa ki syntiew ha une u mot sah kynmaw jong une u riew khraw ka thaiñ bad ka jaidbynriew.
Ki nongkren baroh ha kane ka sngi ki la pynkynmaw ïa ki kam ba radbah jong u Rev JJM Nichols Roy bad ïa u synïang uba la noh na ka bynta ban ïada ïa ki riewlum. La pynwai ïa ka jingïalang da ka jingkren ai khublei na u President ka seng samla u Samla Macdonald Wahlang.
La pynshngaiñ ïa kane ka sngi da ka jingïadon ryngkat ki Riew Rangbah, ki Samla, ki Longkmie bad ki Parabangeit na ka Balang U Blei bad la ïoh ïa ka kren ha kane ka sngi na u Bah Friday Ropmay na ka Balang, u Bah L Syngwan, u Bah C.L. Swett (Secretary Kher Ramsongkatonor), u Bah Bansynshar Ksanlah (Secretary Kher Jamew) bad u Bah R.L. Roy.
