Kynmaw burom u Conrad ïa u CM ba rim ka jylla u Dr Lapang kum u Nongsaiñdur jongka Ri Bhoi District

Shillong, Nailur 13 : U Myntri Rangbah ka Jylla u Conrad K Sangma ha ka Sngi U Blei ula kynmaw burom ïa u Myntri Rangbah barim u Dr DD Lapang ha ka sngi iap ba nyngkong jong u, bad ñiew ïa u kum ka Nongtbeh Jingshai, u Nongïalam ki Paidbah, u Kpa bad u Nongsaiñdur ba ïalam lynti na ka bynta ka Jylla.
Haba ai burom da ka jingthoh ha X, u Conrad ula ong ba ïa u Dr Lapang la niew kum u Nongsaiñdur jong ka Ri-Bhoi district bad u dei shisha u nongïalam paidbah bad u Kpa.
“Ka jingkynmaw burom ïa u Myntri Rangbah barim u (L) Dr. DD Lapang ha ka jingdap shisnem ka sngi iap. La burom ïa u kum u Nongsaiñdur ka Ri-Bhoi District, u Maheh Lapang u dei shisha u Nongïalam Paidbah, u Kpa bad u Nongtbeh Jingshai ba lam lynti na ka bynta ka Meghalaya” thoh u Conrad.
Ula ong ruh ba ïa ka jingïohi jngai jong u Dr Lapang na ka bynta ki paidbah ka Meghalaya kan dei ka ban sah jingkynmaw bad ka jingstad jong u kan ïai long ka nonglam lynti ïa ka Jylla.
“Yn ïai kynmaw ïa phi, Maheh” bynrap u Myntri Rangbah.