Shillong, Jylliew 18: Ka Faith Foundation, ka non-profit organisation kaba la aiti ban ïada ïa ki hok jong ki khynnah bad ban pynkupbor ïa ki samla ha ka jylla Meghalaya, ki la kynduh ïa u Myntri Rangbah ka jylla u Conrad Sangma ban ïakren ïa ki kam jong ka seng bad ki bynta ban don ka jingïatreilang ban ïakren halor ki kam shah thombor ki khynnah bad ka jingpynkupbor ïa ki samla ha ka jylla.
Ka jingïalang ka la buh ka thong kaba ïadei bad ki kam ba ka seng ka la leh na ka bynta ban ai ki jingïada ïa ki khynnah, kynthup ïa ka Personal Safety Education (PSE) programme jong ka, kaba hikai ïa ki lad jingïada ïa ki khynnah bad ban pynkupbor ïa ki da ki buit ban ïada bad ban shim khia ki lad jingïada ïa ki kam shah thombor ki khynnah. Kane ka prokram ka la long kaba jop ha ki jingpyntreikam jong ha kylleng ka ri ha kaba ka la ïarap ban pynduna ïa ki jingshah thombor ki khynnah.
“Ngi la aiti ban pynlong ïa ka sawdong sawkun ki khynnah bad ki samla ha Meghalaya kaba don ki jingïada,” ong u Shannon Dona Massar, Director, Faith Foundation. “Ngi ngeit ba ki kam ban pynïasoh bad ki jingangnud u Myntri Rangbah ban kyntiew ïa ki samla ha ka lynti kaba dei halor ki kam pynroi,” u la bynrap.
“Baroh ka long ban ohshrong ïa ki samla,” u la ong ba u Myntri Rangbah u Conrad Sangma u la banjur ïa ka jingdonkam jong ki samla ban pynkupbor bad ban peit ïa ki jingeh ba la mad da ki khynnah bad ki samla ha ka jylla.
Ki kam ka seng ki la dep ban pyni ïa ka jingdonkam da kaba don kumba 41 tylli ki skul, 14715 ngut ki khynnah skul, bad 1823 ngut ki adult stakeholder kiba ka seng ka la pynpoi sha kylleng ka jylla. Ka seng mynta ka la pynïar ban poi bad ban pyntreikam ïa ka Child Safeguarding Policy ha baroh ki skul sorkar ha Meghalaya.
“Ngi ngeit ba da ka jingïatreilang, ngi lah ban pynlong ïa ka sawdong sawkun kaba shngaiñ bad ka jingdonkam ban pynkup bor ïa ki khynnah bad ki samla ha Meghalaya,” ong u Shannon.
Ha ka jingïalang u Myntri Rangbah ula ai jingmut ban don ka jingïateilang bad kiwei ruh ki tnat sorkar.
