Nongpoh, Risaw 03: Kawei ka trok kit dewiong jong ka Star Cement Meghalaya Ltd bala ñiah da u Mekershwa Rymbai kaba dang mih na Guwahati ban leit sha Shillong kala hap bad kylla lyndang harud surok haka shnong Iewmawlong.
Katkum ka jingtip bala ioh lum katei ka jingjia kala jia haka por 2:30 eiei haka step jong ka 3 tarik ha kaba katei ka trok kaba kit dewiong kaba don ïa u number ML 11 A 1368 mar sien poi ha Iewmawlong kala leit ban tynrah ïaka jingker surok jong ka NHAI bad tynrah shuwa ïa kawei ka trok kaba dang ieng kaba don ïa u number ML 11 A 1380 bad hap syndon sha pynthor kba.
Ha katei ka jingjia ki nongñiah jong baroh 2 tylli ki trok kila lait thaw naka jingmynsaw bad ka jingtohkit ki pulit ïa katei ka jingjia ka dang ïaid shakhmat.
