Shillong, Kyllalyngkot 3 : Saw ngut ki shipai BSF ki la mynsaw jur ha ka jingkylla jong ka trok ba ki shong ha ka jingïaid lynti ha Maheskola, South Garo Hills.
Kat kum ka khubor ba la ïoh la ïathuh ba kane ka trok jong ka 1st Batalion jong ki BSF kaba don ka head quarter ha Tura myn ha ka 2 tarik Kyllalyngkot 2024 ka la kit ïa ki shipai BSF ryngkat ki tiar bad ki tar jongki ban leit sha khappud. Kane ka trok ka la mih na Baghmara ban leit sha Maheskola ban leit pahara ha khappud jongka South West Khasi Hills bad Bangladesh. Hynrei hapdeng ka jingïaid lynti ka jia ka jingthut ka brake jongka trok bad u nongniah u la leit tynrah beit sha lum bad ka sa kylla bad mynsaw jur kine ki saw ngut ki BSF.
Mar mar la pynkit ïa ki sha Civil Hospital Baghmara bad hadien ba la dep sumar la pyllait noh ïa ki bad la pynkit noh ïa ki sha Tura.
